[ كفوف المنايا . . . . عبدالله بن عماره

أرجع وتكرم مدينه لجل عينك . . . . لجل ما أكسر خاطرك بين الحنايا . . . .


جيت لك و أمشي على رمضى سنينك . . . . جيت لك لاجي ونظراتي لجايا . . . .


اخبني قلب(ن) عسى الله لايهينك . . . . اخبني من غير عقل ولا مزايا . . . .


هاك قلبي من يميني ليمينك . . . . عالجه من سم طعنات الوشايا . . . .


يامغادر كل مافيني سجينك . . . . للسهر والهم عقلت المطايا . . . .


ماغفيت الا على ترديد >> وينك . . . . نمت في غدراك وعيوني عرايا . . . .


كيف تسرق خافقي ما أقوى كمينك . . . . صرت تملك خافقين اكبر بلايا . . . .


كيف بعد الود مابيني وبينك . . . . صرت أنا في دنيتك باقي بقايا . . . .


ليه ماراجعت نفسك مع قرينك . . . . يمكن انك كنت مخطي بالبدايا . . . .


لو تبي تعرف غلاك الله يعينك . . . . من مكانك عد إلى ماله نهايا . . . .


عندي إغلا من غلاك لوالدينك . . . . والغلا ماقلله كبر الخطايا . . . .


يوم شفت رموشك تخاطب جبينك . . . . قمت أهذري والمس كفوف المنايا . . . .


لاتسلهم خلني مع جمرتينك . . . . ودي اطفيها و أولعها سنايا . . . .


لو حسبناهم ضحايا معجبينك . . . . ما كبر ذنوبك وياكثر الضحايا .. . .


ودام قلبي والمشاعر مشترينك . . . . جعلهم لعيونك السود فدايا . . . .


ارجع وتكرم مدينه لجل عينك . . . . لجل ما اكسر خاطرك بين الحنايا . . . .


للشاعر . . . عبدالله بن عماره

يالبيه بسسس ذووق ياذواقه

دمتي بود

غرتني الايام كتب:

يالبيه بسسس ذووق ياذواقه

دمتي بود

الذوق انتي منبعه . . .


يسعدني مرورك حبيبت ألبي . . .



تحياتي